Topat zyrtarë të Kupës së Botës 2026, që do të zhvillohet në SHBA, Kanada dhe Meksikë, do të jenë të pajisur me sensorë lëvizjeje modernë dhe bateri të mbushshme para çdo ndeshjeje. Këta sensorë do të mbledhin të dhëna në kohë reale për shpejtësinë, trajektoren, rrotullimin dhe kontaktet me topin, duke i dërguar ato direkt në dhomën e VAR-it për të ndihmuar gjyqtarët në vendime më të shpejta dhe më të sakta. Bateria e topave do të karikohet plotësisht në rreth 90 minuta dhe do të funksionojë për rreth gjashtë orë, duke eliminuar nevojën për zëvendësim gjatë ndeshjeve. FIFA dhe Adidas sigurojnë se kjo teknologji do të përmirësojë drejtësinë në lojë dhe do të ndihmojë në zgjidhjen e polemikave gjatë turneut me 48 ekipe kombëtare.