Torino është shumë pranë finalizimit të marrëveshjes për transferimin e mbrojtësit të Fiorentinës, Pietro Comuzzo, në një operacion që mund të arrijë vlerën totale prej 20 milionë eurosh. Sipas mediave italiane, klubi nga Torino do të marrë fillimisht lojtarin në huazim për një sezon me kosto 1 milion euro, ndërsa në qershor të vitit 2027 ka opsionin për ta blerë përfundimisht për 19 milionë euro të tjera. Në garë për shërbimet e 21-vjeçarit ishin edhe Lazio dhe Sassuolo, por Torino duket se ka avancuar më shumë dhe pritet të mbyllë marrëveshjen brenda 24 orëve të ardhshme. Comuzzo, i cili ka dy paraqitje me kombëtaren italiane dhe ka luajtur 91 ndeshje zyrtare me Fiorentinën, shihet si një përforcim i rëndësishëm për mbrojtjen e Torinos.