Sulmuesi 23-vjeçar Fisnik Asllani po tërheq interesim të madh nga disa klube të mëdha evropiane, përfshirë Tottenhamin dhe Chelsean nga Premier League e Anglisë. Të dy skuadrat angleze kanë monitoruar nga afër lojtarin dhe tashmë kanë gati ofertat për transferimin e tij gjatë merkatos së verës, me Tottenhamin që po bën presion më të madh pasi e sheh Asllanin si përforcim ideal për sulmin e tyre. Kjo kërkesë vjen edhe për shkak të pasigurisë së ardhmes së sulmuesit brazilian Richarlison dhe përfundimit të huazimit të Randal Kolo Muanit në Tottenham. Përveç klubeve angleze, interesim për Asllanin kanë shfaqur edhe Barcelona, Borussia Dortmund dhe Bayern Muncheni, ndërsa sulmuesi ka kontratë me Hoffenheimin deri në vitin 2029 me një klauzolë lirimi prej 30 milionë eurosh. Gjatë këtij sezoni, Asllani ka shënuar 9 gola dhe ka dhënë 8 asistime në 27 paraqitje në të gjitha garat, duke e bërë atë një objektiv të rëndësishëm për skuadrat e mëdha evropiane.