Tottenham ka thelluar krizën e tij në Premier League pas humbjes së thellë 3:0 në shtëpi ndaj Nottingham Forest në javën e 31-të të kampionatit. Golat për Nottingham i shënuan Igor Jesus në minutën e 45-të, Morgan Gibbs-White në të 65-tën dhe Taiëo Awoniyi në minutën e 87-të, duke i dhënë skuadrës tri pikë të rëndësishme që e nxjerrin nga zona e rënies. Me këtë humbje, Tottenham mbetet në vendin e 17-të me 30 pikë, ndërsa Nottingham ngjitet në vendin e 16-të me 32 pikë, duke lënë pas West Ham që është në vendin e 18-të. Ekipi i drejtuar nga Igor Tudor ka regjistruar tashmë 13 ndeshje pa fitore në Premier League, ndërsa fitorja e fundit në kampionat daton që nga dhjetori i vitit të kaluar. Megjithatë, Tottenham ka shënuar disa fitore në Ligën e Kampionëve, por nuk arriti të kalojë në çerekfinale pasi u mund nga Atletico Madrid me rezultat të përgjithshëm 7:5.