Skuadra turke Trabzonspor po monitoron me kujdes situatën e sulmuesit shqiptar, Myrto Uzuni, i cili aktualisht luan për Austin në Shtetet e Bashkuara të Amerikës. Paraqitjet e tij pozitive këtë sezon kanë nxitur interesimin e klubit turk, i cili kishte tentuar ta transferonte edhe gjatë afatit kalimtar të janarit, por pa sukses. Uzuni, 30 vjeç, ka kontratë me Austin deri në fund të vitit të ardhshëm dhe ishte transferuar atje vitin e kaluar nga Granada spanjolle për 12 milionë euro. Kjo lëvizje mund të shënojë rikthimin e tij në futbollin evropian në sezonin e ardhshëm.