Edon Zhegrova, sulmuesi kosovar i Juventusit, mund të largohet nga skuadra italiane pas një sezoni të vështirë dhe problemeve me lëndimet. Juventus nuk e ka në planet e sezonit të ardhshëm dhe po kërkon të lirojë vend për lojtarë të tjerë që i përshtaten stilit të trajnerit Spalletti. Klube të ndryshme turke kanë shfaqur interes për Zhegrovën, ndërsa Trabzonspori ka bërë hapat e parë duke kontaktuar zyrtarisht Juventusin për të nisur negociatat. Megjithatë, futbollisti 27-vjeçar ka kërkuar një mundësi të fundit për të treguar vlerat e tij në Torino dhe nuk e ka pranuar ende largimin.