Ernest Muçi është kthyer në një nga futbollistët më të kërkuar në Turqi dhe më gjerë, pas paraqitjeve të tij të mira me Trabzonsporin. Klubi turk ka vendosur një çmim prej 20 milionë eurosh për lirimin e mesfushorit shqiptar, një shumë që ka frenuar interesimin e Aston Villa-s nga Premier League. Muçi ka kontratë me Trabzonsporin deri në vitin 2029, dhe klubi nuk është i gatshëm ta shesë për më pak se çmimi i kërkuar, duke bërë që skuadra angleze të tërhiqet për momentin. Megjithatë, Aston Villa nuk e ka hedhur ende dorë nga mundësia e transferimit dhe mund të bëjë përpjekje të tjera deri në fund të afatit kalimtar të verës.