Botërori 2026, që nis më 11 qershor në Kanada, Meksikë dhe SHBA, do të shfaqë jo vetëm lojtarët më të mirë të botës, por edhe trajnerët më të njohur dhe me përvojë të madhe. Në mesin e emrave më të spikatur është Carlo Ancelotti, trajneri i Brazilit, i njohur për fitoret e tij në klubet më të mëdha evropiane dhe pesë herë fitues i Ligës së Kampionëve. Përveç tij, në këtë turne do të jenë edhe trajnerë të tjerë të njohur si Thomas Tuchel (Anglia), Mauricio Pochettino (SHBA), Julian Nagelsmann (Gjermania), Didier Deschamps (Franca) dhe Lionel Scaloni (Argjentina). Kjo përbërje e fuqishme në pankina premton një Botëror ku taktika dhe përvoja do të jenë po aq të rëndësishme sa edhe talenti i lojtarëve në fushë.