Trajneri i Baselit, Stephan Lichtsteiner, ka përmendur Xherdan Shaqirin si një nga lojtarët që mund të jenë kandidatë për ekipin përfaqësues të Zvicrës, pavarësisht se futbollisti u tërhoq nga kombëtarja pothuajse dy vjet më parë pas Kampionatit Evropian në Gjermani. Lichtsteiner vlerëson se edhe pse Shaqiri nuk ka shënuar shumë gola apo asiste në ndeshjet e fundit, roli i tij në mbajtjen e topit dhe pasimet në mesfushë janë shumë të rëndësishme për skuadrën. Pas një sezoni të shkëlqyer me Baselin, ku Shaqiri udhëhoqi skuadrën drejt titullit dhe Kupës së Zvicrës, zërat për rikthimin e tij në kombëtare janë shtuar, por marrëdhënia e ftohtë me përzgjedhësin Murat Yakin ka penguar këtë mundësi. Mbetet për t’u parë nëse Shaqiri do të kthehet në formacionin titullar të Baselit në ndeshjen kundër Young Boys, pasi në ndeshjen e fundit ishte në stol.