Pas eliminimit të turpshëm të Trabzonspor nga Ferencvarosh me rezultat 4-0 në raundin e playoff-it të Ligës së Europës, trajneri Fatih Tekke njoftoi dorëheqjen e tij nga drejtimi i skuadrës. Ai u shpreh se ndihej përgjegjës për humbjen dhe vendosi të japë dorëheqjen për shkak të intensitetit emocional të situatës. Megjithatë, bordi drejtues i klubit turk refuzoi pranimin e dorëheqjes së Tekes, duke theksuar se vendimi ishte marrë në një moment emocional dhe se ai do të vazhdojë të drejtojë ekipin. Fatih Tekke do të jetë në krye të skuadrës edhe në ndeshjen e ardhshme në Superligën Turke kundër Amedsporit më 31 gusht.