Transferimi i mbrojtësit Betim Fazlijit nga St. Gallen te Zurichu ka dështuar në momentet e fundit të afatit kalimtar për shkak të problemeve në testet mjekësore. Presidenti i Zurichut, Ancillo Canepa, ka bërë të ditur se, megjithë negociatat e avancuara dhe marrëveshjen në thelb, klubi nuk mund ta aktivizojë menjëherë lojtarin për shkak të gjendjes së tij shëndetësore. Canepa ka theksuar se do të duhen disa javë për rikuperimin e Fazlijit, ndërsa klubi ka nevojë për një lojtar të gatshëm menjëherë. Për këtë arsye, Fazliji do të vazhdojë të luajë për St. Gallenin, me të cilin ka kontratë deri në vitin 2027.