Transferimi i mesfushorit brazilian Ederson te Manchester United ishte shumë pranë realizimit, por dështoi në fazën përfundimtare pas kontrolleve shtesë mjekësore në Angli. Klubi anglez vendosi të mos finalizojë marrëveshjen, duke ndaluar kalimin e 27-vjeçarit në “Old Trafford”. Nga ana tjetër, Atalanta konfirmoi se Ederson është në gjendje të mirë fizike dhe e mirëpriti rikthimin e tij në skuadër. Lojtari do të vazhdojë të jetë pjesë e klubit italian, ku ka kontratë deri në qershor të vitit 2027, ndërsa e ardhmja e tij mbetet ende e paqartë.