Federata Shqiptare e Futbollit ka intensifikuar punimet në stadiumin “Air Albania” për përgatitjet e Kampionatit Europian U21 që do të mbahet në vitin 2027. Ky investim i rëndësishëm është pjesë e angazhimeve të Shqipërisë, së bashku me Serbinë, si vende organizatore të këtij kompeticioni madhor të futbollit për grupmoshat e reja. Pamjet e publikuara tregojnë se puna po vazhdon me ritme të larta, me fokus të veçantë në përmirësimin e tapetit të fushës dhe sistemit të ujitjes, në përputhje me standardet e UEFA-s. Stadiumi pritet të jetë një nga arenat kryesore të turneut, ndërsa këto punime konsiderohen një hap i rëndësishëm drejt organizimit të suksesshëm të ngjarjes.