Tre pilotë nga Klubi Aeronautik “Shqiponjat e Kastriotit” janë renditur në Top 10-shen botërore në disiplinën e paragllajdizmit në precizion, duke shënuar një arritje historike për klubin dhe sportin në Kosovë. Ky rezultat u bë i ditur pas rifreskimit të renditjes botërore më 1 shtator 2026 dhe është fryt i punës së palodhur, stërvitjes intensive dhe profesionalizmit të pilotëve. Klubi thekson se kjo përfaqësim në nivelet më të larta ndërkombëtare dëshmon se sportistët kosovarë mund të arrijnë majat e sportit botëror përmes përkushtimit dhe disiplinës. Mesazhi i “Shqiponjave të Kastriotit” përmbledh krenarinë e këtij suksesi: “Tre pilotë. Një klub. Një Kosovë në elitën botërore”.