Trepça arriti të fitojë ndeshjen e fortë ndaj GO+ Pejës në xhiron e 22-të të Superligës së Kosovës në basketboll, pas vazhdimeve të nevojshme prej pesë minutash. Koha e rregullt u mbyll me rezultat 87:87, falë një treshe të Musab Malës në sekondat e fundit, që dërgoi ndeshjen në vazhdime. Në vazhdime, Ja’Cori Payne shënoi një treshe vendimtare gjashtë sekonda para fundit për të siguruar fitoren 98:95 për Trepçën, që regjistroi fitoren e 13-të rresht dhe konfirmoi pozitën e parë në tabelë me 41 pikë. Payne ishte më efikasi i ndeshjes me 27 pikë, 5 kërcime dhe 3 asistime, ndërsa te Peja spikati Cesare Edwards me 30 pikë dhe 17 kërcime, por kjo nuk mjaftoi për të shmangur humbjen e tretë rresht të skuadrës së tij, që mbetet në vendin e katërt me 32 pikë.