Sot zhvillohen tri përballje të rëndësishme në xhiron e 23-të të Superligës së Kosovës në futboll, ku gjashtë skuadra kërkojnë pikë të vlefshme për objektivat e tyre. Ndeshja më e pritur zhvillohet në Podujevë, ku Llapi, ende pa fitore në pranverë, pret Ballkanin që lufton për titullin. Një sfidë interesante zhvillohet edhe në Malishevë, ku skuadra vendase pret Prishtinën në një duel që mund të ndikojë në renditjen e pjesës së sipërme të tabelës. Ndërsa në Ferizaj, Ferizaj dhe Gjilani kërkojnë fitoren për të përmirësuar pozitat e tyre në kampionat. Të tre ndeshjet fillojnë në orën 13:00 dhe priten të jenë shumë të luftuara.