Kampionati Botëror 2026 vazhdon me tre ndeshje kyçe që do të përcaktojnë shumë në fazën e grupeve G dhe H. Në orën 18:00, Spanja, një nga favoritët kryesorë për trofeun, do të përballet me Kepin e Gjelbër, që debuton për herë të parë në këtë kompeticion madhor. Më vonë, në orën 21:00, Belgjika do të sfidojë Egjiptin në një duel të veçantë, ku vëmendja kryesore është tek ylli egjiptian Mohamed Salah. Programi i ditës përfundon në mesnatë me ndeshjen mes Arabisë Saudite dhe Uruguait, ku sauditët synojnë të vazhdojnë surprizat e tyre në këtë Botëror historik me 48 kombëtare pjesëmarrëse.