Mbrojtësi kosovar Leard Sadriu, aktualisht pjesë e klubit rumun Arges Pitești, është në fokusin e tri skuadrave të huaja që kërkojnë shërbimet e tij gjatë afatit kalimtar veror. Sipas mediave rumune, interesim kanë shfaqur kampioni bullgar Levski Sofia, klubi kinez Wuhan Three Towns dhe skuadra ruse Baltika Kaliningrad. Sadriu, 25 vjeç, ka pasur një sezon të suksesshëm me Argesin, duke luajtur si qendërmbrojtës dhe mbrojtës i majtë, me 41 paraqitje dhe tre gola në të gjitha garat.