Leandro Trossard ka përfunduar aventurën e tij te Arsenali duke u transferuar te Besiktasi në një marrëveshje që kap vlerën e 18 milionë eurove plus bonuse. Sulmuesi belg 31-vjeçar ka nënshkruar një kontratë trevjeçare me klubin turk, me mundësi vazhdimi edhe për një sezon tjetër, duke nisur kështu një kapitull të ri në karrierën e tij. Gjatë kohës te Arsenali, Trossard luajti 174 ndeshje, shënoi 36 gola dhe dha 34 asistime, duke qenë një element i rëndësishëm në repartin ofensiv të skuadrës londineze. Pas largimit të tij, Arsenali po kërkon përforcime, duke shfaqur interes për disa sulmues si Bradley Barcola, megjithëse PSG-ja ka bërë të ditur se francezi nuk është në shitje.