Në Lojërat Mesdhetare “Taranto 2026”, Turqia fitoi bindshëm ndaj Kosovës me rezultat 3:0 (25:17, 25:17, 25:18) në ndeshjen e xhiros së katërt të Grupit B, duke siguruar kalimin në gjysmëfinale. Edhe pse Turqia nuk paraqiti ekipin e saj kryesor, por një përbërje me lojtare të reja dhe nga ekipi U-22, ajo tregoi dominim të qartë gjatë gjithë takimit. Kosova nisi mirë setin e parë dhe arriti të krijonte epërsi 17:14, por një seri prej 11 pikësh radhazi nga turqet ndryshoi rrjedhën e lojës. Në setin e tretë, Kosova luftoi fort dhe arriti të kalonte në epërsi 15:14, por nuk arriti të mbajë avantazhin dhe humbi me 25:18. Me këtë humbje, Kosova mbetet jashtë gjysmëfinales, duke zënë vendin e tretë në Grupin B me gjashtë pikë, ndërsa Turqia kryeson me nëntë pikë. Dardanet kanë regjistruar dy fitore të rëndësishme ndaj Algjerisë dhe Maqedonisë së Veriut gjatë këtij turneu.