Gianluca Prestianni, mesfushori i SL Benfica, është pezulluar përkohësisht nga UEFA dhe nuk do të luajë në ndeshjen e ardhshme kundër Real Madridit në Ligën e Kampioneve. Pezullimi vjen pas dyshimeve për përdorim të fyerjeve me përmbajtje raciste ndaj Vinicius Junior gjatë ndeshjes së parë mes dy skuadrave në Lisbonë. UEFA ka nisur hetimet për këtë rast dhe pezullimi do të mbetet në fuqi deri në përfundimin e tyre, pa ndikuar në vijimin e hetimeve. Prestianni ka mohuar akuzat për fyerje racore, ndërsa ndeshja Real Madrid – Benfica pritet të zhvillohet të mërkurën.