UEFA ka njoftuar një ndryshim të rëndësishëm në formatin e “Nations League” duke reduktuar numrin e ligave nga katër në tre, që do të hyjë në fuqi nga edicioni 2028/29. Ligat do të përbëhen nga tre grupe me nga gjashtë ekipe secili, përveç Ligës C që do të ketë një grup me shtatë ekipe për shkak të 55 kombëtareve pjesëmarrëse. Ndeshjet do të zhvillohen në një kalendar të ri, ku Liga C do të nisë një dritare më herët, ndërsa fazat e çerekfinaleve, ‘Final Four’ dhe ndeshjet për ngjitje apo rënie të kategorive do të mbeten të pandryshuara. Ky koncept do të përpunohet gjatë muajve të ardhshëm dhe do të paraqitet për miratim në takimin e Komitetit Ekzekutiv të UEFA-s në shtator.