UEFA ka miratuar ndryshime të rëndësishme në rregulloren disiplinore për garat evropiane të klubeve, që do të hyjnë në fuqi nga sezoni 2026/27. Sipas rregullave të reja, futbollistët dhe zyrtarët do të pezullohen automatikisht për një ndeshje vetëm pasi të grumbullojnë katër kartonë të verdhë, në vend të tre kartonëve si më parë. Ky ndryshim lidhet me formatin e ri të garave, ku faza e ligës në Champions League dhe Europa League do të ketë tetë ndeshje në vend të gjashtë, dhe i njëjti sistem do të aplikohet edhe në Ligën e Konferencës. Gjithashtu, pezullimet do të vazhdojnë pas çdo dy kartonëve të verdhë shtesë, duke unifikuar rregullat në të tri kompeticionet evropiane.