UEFA ka konfirmuar datat e ndeshjeve të fazës së Ligës së Kampionëve për sezonin 2026/27, ku 36 skuadrat do të nisin garën më 8 shtator dhe do ta përfundojnë këtë fazë më 27 janar 2027. Xhirot e para do të zhvillohen në shtator, tetor dhe nëntor, me dy xhiro në nëntor dhe një në dhjetor, ndërsa faza do të rifillojë në janar 2027 me dy xhiro për të përfunduar fazën e ligës. Pas përfundimit të tetë xhirove, tetë skuadrat e para kalojnë direkt në 1/8-at e finales, ndërsa skuadrat nga vendi i 9-të deri në të 24-tin do të luajnë në play-off, ndërsa të tjerat eliminohen nga gara evropiane. Faza nokaut do të nisë në shkurt, ndërsa finalja e madhe do të zhvillohet më 5 qershor 2027 në stadiumin “Metropolitano” të Madridit.