Kompania Ujë Rugove ka njoftuar vazhdimin e bashkëpunimit me klubin futbollistik FC Ballkani për sezonin e ardhshëm, duke rinovuar marrëveshjen e sponsorizimit mes tyre. Ceremonia e nënshkrimit u zhvillua në ambientet e klubit në Suharekë, ku marrëveshja u zyrtarizua nga Drejtori i Marketingut të Korporatës Rugove, Dëfrim Puka, dhe përfaqësuesi i klubit, Jetullah Kuqi. Palët theksuan rëndësinë e këtij bashkëpunimi në zhvillimin e sportit dhe mbështetjen e FC Ballkanit në garat vendore dhe ndërkombëtare. Ujë Rugove, një nga markat më të njohura në Kosovë dhe e pranishme edhe në tregun e Luginës së Preshevës, do të vazhdojë të mbështesë klubin në rrugëtimin e tij drejt sukseseve të reja.