Lugano ka vazhduar formën e shkëlqyer në Superligën e Zvicrës duke mposhtur Baselin me rezultatin 3:1 në javën e shtatë të kampionatit. Uran Bislimi ishte protagonist i ndeshjes, duke shënuar golin e dytë për skuadrën e tij në minutën e 61-të, që ishte edhe goli i tij i parë në këtë sezon. Albian Ajeti u inkuadrua në minutën e 63-të, ndërsa nga ana tjetër, Xherdan Shaqiri u aktivizua në pjesën e dytë për Baselin dhe mori karton të verdhë në minutën e 70-të. Pas kësaj fitoreje, Lugano kryeson tabelën me 18 pikë, duke mbajtur formën perfekte me gjashtë fitore në po aq ndeshje, ndërsa Baseli renditet në vendin e gjashtë me 10 pikë.