Rafael Leao, sulmuesi i Milanit, dëshiron të largohet dhe të luajë në Premierligë, por deri tani nuk ka oferta konkrete nga klubet angleze. Interesimi më i dukshëm vjen nga Galatasaray, por oferta e tyre nuk i afrohet kërkesës së Milanit prej 60 milionë eurosh, që përfshin 50 milionë euro plus 10 milionë euro bonuse. Situata komplikohet edhe nga paga e lartë që kërkon Leao, e cila është 6.5 milionë euro në sezon, dhe nga kufizimet e tavaneve të pagave në klube si Juventusi, që e bën të vështirë transferimin atje. Në garë për shërbimet e tij është futur edhe Aston Villa, me ndërmjetësimin e menaxherit Jorge Mendes, ndërsa një rikthim në projektin e Ruben Amorim do të kërkonte po ashtu një ofertë prej 60 milionë eurosh.