Real Madridi po përballet me një krizë të thellë brenda dhomës së zhveshjes pas një përleshjeje të rëndë fizike mes Aurelien Tchouamenit dhe Federico Valverdes, ku ky i fundit përfundoi në spital me lëndime në kokë dhe do të mungojë në El Clasico. Incidenti i fundit është vetëm kulmi i një atmosfere toksike që ka mbizotëruar në skuadër prej javësh, ndërsa trajneri Alvaro Arbeloa shprehu zhgënjimin e tij për rrjedhjen e informacioneve nga zhveshtorja. Sipas mediave spanjolle dhe një YouTuberi me mbi 600 mijë ndjekës, Inaki Angulo, problemet me Valverden nuk janë të reja; ai kishte goditur edhe Luka Modriqin gjatë një stërvitjeje vitin e kaluar. Angulo e përshkroi Valverden si një “djalë të rrezikshëm, të paaftë për të jetuar në shoqëri”, duke nxjerrë në pah tensionet e thella që po kërcënojnë stabilitetin e Real Madridit.