Sulmuesi kosovar Vedat Muriqi është përzgjedhur në formacionin më të mirë të javës së 35-të në La Liga, sipas vlerësimeve të faqes “Sofascore”. Ai mori notën 8.2 pas një paraqitjeje të shkëlqyer dhe golit të shënuar në ndeshjen barazim 1-1 ndaj Villarrealit, duke u vendosur në qendër të sulmit të skuadrës së Mallorcas. Përfshirja e tij në këtë formacion tregon sezonin e fortë që po zhvillon në Spanjë, ku ka shënuar 22 gola dhe është i dyti në renditjen e golashënuesve pas Kylian Mbappe. Trajneri i Villarrealit vlerësoi lart Muriqin, duke theksuar se mbrojtësit e tij patën shumë punë me sulmuesin prizrenas gjatë ndeshjes.