Vedat Muriqi po kalon një sezon të shkëlqyer te Mallorca, ku ka shënuar 21 gola në 31 ndeshje dhe është golashënuesi më i mirë në historinë e klubit në La Liga. Megjithë interesimin e disa skuadrave evropiane, përfshirë spekulimet për një kalim te Barcelona, agjenti i tij, Utku Cenikli, ka hedhur poshtë mundësinë e një transferimi të menjëhershëm. Ai ka theksuar se Muriqi është i përkushtuar dhe besnik ndaj Mallorca-s, ku ka kontratë deri në vitin 2029, dhe synon të përfundojë me sukses sezonin aktual. Pak ditë më parë u raportua se Muriqi kishte arritur marrëveshje personale me ish-klubin e tij, Fenerbahçe, por aktualisht fokusi i tij mbetet te skuadra spanjolle.