Vedat Muriqi, sulmuesi i Kombëtares së Kosovës dhe i Mallorcas, është përfshirë në ekipin më të mirë të javës së 27-të në La Liga pas paraqitjes së tij fantastike në ndeshjen kundër Osasunas, ku shënoi dy gola dhe u vlerësua me notën 8.6 nga faqja e specializuar SofaScore. Megjithëse Mallorca barazoi 2:2, Muriqi u shpall lojtari më i mirë i ndeshjes dhe u rendit në fazën ofensive së bashku me Ante Budimir dhe Lucas Boye. Ai ka shënuar gjithsej 18 gola në 26 ndeshje këtë sezon, duke u bërë golashënuesi i dytë më i mirë në La Liga, vetëm pas Kylian Mbappes, dhe ka thyer rekordin e Samuel Eto’o për golat e realizuar në një sezon me Mallorcan. Përformanca e tij e jashtëzakonshme e bën Muriqin një nga lojtarët kyç të skuadrës që po lufton për mbijetesë në elitën e futbollit spanjoll.