Në garën për “Këpucën e Artë” të futbollit evropian, tre sulmuesit më të mirë aktualisht janë Harry Kane me 30 gola dhe 60 pikë, Kylian Mbappe me 23 gola dhe 46 pikë, dhe Erling Haaland me 22 gola dhe 44 pikë. Pas tyre renditet sulmuesi kosovar Vedat Muriqi, i cili ka shënuar 18 gola për Mallorcan dhe ka grumbulluar 36 pikë në këtë garë prestigjioze. Muriqi po kalon një sezon të shkëlqyer te Mallorca, duke qenë vetëm tre gola larg rekordit të golashënuesit më të mirë në historinë e klubit. Në këtë garë, golat e shënuar në top-ligat evropiane kanë koeficientin më të lartë, duke rritur vlerën e golave të Muriqit në konkurrencën për çmimin e sulmuesit më të mirë në Evropë.