Vedat Muriqi po kalon një sezon të jashtëzakonshëm në LaLiga, duke shënuar 16 gola në 24 javë dhe duke u renditur në Top 5 të lojtarëve më të mirë në lojën fantasy të “Marca”. Ai ka barazuar rekordin e tij personal dhe ka arritur vlerën tregtare prej 61.1 milionë euro, duke u bërë një nga lojtarët me rritjen më të madhe të vlerës në vitin e fundit. Megjithatë, pavarësisht golave të shumtë të Muriqit, Mallorca ka marrë vetëm shtatë pikë nga këto gola, duke pasur pesë ndeshje rresht pa fitore edhe pse sulmuesi ka shënuar. Media spanjolle thekson se skuadra është shumë e varur nga Muriqi, por duhet të përfitojë më shumë nga performancat e tij për të shmangur rënien nga liga.