Faqja zyrtare e La Ligës ka përgëzuar Vedat Muriqin për paraqitjet e tij të shkëlqyera në sezonin aktual, duke theksuar se ai është lojtari i parë i Mallorcas që shënon gjashtë gola me kokë që nga sezoni 2010/11. Muriqi, i njohur si “Pirati dardan”, është gjithashtu golashënuesi më i mirë me kokë në pesë ligat më të mëdha evropiane këtë sezon. Ai ka shënuar gjithsej 16 gola dhe ka dhënë një asistim, duke kontribuar shumë për skuadrën e Mallorcas që po lufton për mbijetesë në La Liga. Aktualisht, Mallorca ndodhet në vendin e 18-të me 24 pikë, dhe ndeshjen e radhës do ta luajë ndaj Celta Vigos këtë të diel në orën 18:30.