FC Zurich ka zyrtarizuar rinovimin e kontratave të dy vëllezërve nga Kosova, Selmin dhe Melvin Hoxha, duke i lidhur ata me klubin deri në vitin 2031. Selmin, i cili është pjesë e Zurichut që nga mosha 11-vjeçare, ka treguar vazhdimisht përparim duke u bërë titullar i ekipit të parë dhe duke luajtur me rregullsi në sezonin aktual. Vëllai i tij më i vogël, Melvin, ka ndjekur një rrugë të ngjashme, duke fituar tituj të rëndësishëm në grupmoshat e reja dhe duke u promovuar këtë verë në ekipin e parë. Klubi ka shprehur kënaqësinë për vazhdimin e bashkëpunimit me dy futbollistët, të cilët pritet të jenë pjesë kyçe e projektit sportiv të Zurichut në vitet e ardhshme, ndërsa Selmin përfaqëson Zvicrën dhe Melvin Kosovën.