Në episodin më të fundit të podcastit “Arena e Yjeve”, futbollisti kosovar Viktor Kuka ndau kujtime nga karriera e tij, duke përfshirë momentet më të rëndësishme dhe sfidat që ka përballuar. Ai foli për mbështetjen e jashtëzakonshme të tifozëve të Dritës, ‘Intelektualët’, të cilët madje kanë fjetur në park për të qenë pranë skuadrës në ndeshjen vendimtare për titull. Kuka rrëfeu gjithashtu historinë e kontratës së tij pesëvjeçare me Dritën dhe përkushtimin e madh, duke udhëtuar me biçikletë nga Prishtina në Gjilan për një vit të tërë për të marrë pjesë në stërvitje.