Vinicius Junior kërkon një kontratë të re “historike” me Real Madridin, por negociatat janë bllokuar për shkak të diferencës së madhe në kërkesat financiare mes lojtarit dhe klubit. Aktualisht, braziliani fiton rreth 18 milionë euro neto në vit, ndërsa kërkon një pagë midis 20 dhe 30 milionë euro neto në sezon, duke vënë në presion drejtuesit e klubit. Real Madridi po shqyrton mundësinë e shitjes së tij nëse nuk arrihet marrëveshja, për të mos e humbur pa përfitim financiar, ndërsa Vinicius dëshiron të qëndrojë dhe e konsideron klubin e ëndrrave të tij. Përveç aspektit sportiv, Vinicius është një aset i rëndësishëm komercial për klubin, duke kontribuar në mënyrë të konsiderueshme për pagën e tij përmes të drejtave të imazhit dhe sponsorëve.