Vinicius Junior nuk ka ndërmend të largohet nga Real Madridi këtë verë dhe pritet të vazhdojë të jetë pjesë e klubit edhe sezonin e ardhshëm. Megjithëse ka pasur shumë spekulime dhe interesim për sulmues të tjerë si Michael Olise dhe Julian Alvarez, braziliani 25-vjeçar dëshiron të qëndrojë në Santiago Bernabeu. Kontrata e tij aktuale skadon në verën e vitit 2027 dhe negociatat për rinovimin vazhdojnë, por kërkesat financiare të larta kanë penguar arritjen e një marrëveshjeje përfundimtare. Me Florentino Perezin në krye të klubit, Real Madridi pritet të intensifikojë bisedimet pas Kupës së Botës 2026, ku një paraqitje e mirë e Viniciusit me Brazilin mund të forcojë pozicionin e tij në negociata.