Vinicius Junior, sulmuesi i njohur i Real Madridit dhe përfaqësuesi i Brazilit, ka ndryshuar dukshëm pamjen e tij pas një ndërhyrjeje estetike. Ai i është nënshtruar një procedure të quajtur harmonizimi i mjekrës në një klinikë në Goiânia, Brazil, ku me mbushës estetikë janë modeluar konturet e fytyrës për të përmirësuar formën e mjekrës së tij. Ky ndryshim erdhi pas diskutimeve dhe komenteve që kishte shkaktuar forma e mjekrës së tij gjatë Kupës së Botës. Fotografitë e reja kanë shkaktuar reagime të ndryshme në rrjetet sociale, duke e bërë 26-vjeçarin të duket si një person krejtësisht tjetër, ndërsa kjo procedurë po bëhet gjithnjë e më popullore mes personazheve publikë dhe sportistëve.