Klubi i Vllaznisë ka zyrtarizuar përforcimin e ri në repartin difensiv, mbrojtësin François André Dulysse, i cili rikthehet në kampionatin shqiptar pas eksperiencës në Izrael. Dulysse, kampion në dy edicione me Egnatian, ka nënshkruar një kontratë 1+1 me skuadrën shkodrane dhe pritet të sjellë forcë dhe eksperiencë në mbrojtje. Prezantimi i tij u bë zyrtarisht nga klubi, i cili e mirëpriti në familjen kuqeblu dhe i uroi suksese me fanellën që simbolizon krenarinë e Shkodrës. Përveç Dulysse, Vllaznia ka bërë ndryshime të tjera këtë verë, duke afruar lojtarë si Mehmeti nga Partizani, Musta nga Elbasani dhe Kobiljar nga Tirana, për të forcuar skuadrën për sezonin e ri.