Klubi i futbollit Vllaznia nga Shkodra ka prezantuar zyrtarisht mbrojtësin qendror nga Kosova, Fatbardh Latifi, i cili ka firmosur një kontratë 1+1 vjeçare. Latifi, 27 vjeç, vjen nga skuadra Trepça ’89 dhe është pjesë e një bashkëpunimi ndërmjet dy klubeve për këtë transferim. Ky është përforcimi i dytë i Vllaznisë në mbrojtje brenda pak ditësh, pasi më parë ishte afruar edhe mbrojtësi i majtë Xhezair Avduli. Klubi ka uruar lojtarin për sukses në fanellën kuqeblu, ndërsa po vazhdon riformatimin e skuadrës me afrime dhe largime të tjera.