Vllaznia ka përfunduar sezonin e rregullt në Superiore me një nga repartet më të fortë ofensivë, duke shënuar 42 gola dhe duke pasur sulmin e dytë më të mirë pas Elbasanit. Ajo që e dallon skuadrën e Edi Martinit është shpërndarja e golave në 14 lojtarë të ndryshëm, duke krijuar një ekip shumë të balancuar dhe të vështirë për kundërshtarët. Bekim Balaj kryeson listën e golashënuesve me 13 gola, ndërsa Kallaku dhe Dodaj ndjekin me 5 dhe 4 gola përkatësisht, ndërsa shumë lojtarë të tjerë kanë dhënë kontribut të rëndësishëm gjatë sezonit. Kjo shumëllojshmëri në realizime i jep Vllaznisë një avantazh të madh në fazën finale “Final 4”, ku skuadra synon të rikthejë titullin kampion pas 25 vitesh.