West Ham United pësoi një humbje 3:1 në ndeshjen e parafundit të sezonit në Premier League ndaj Newcastle United, duke u vendosur në prag të rënies nga liga. Golat për Newcastle i shënuan Nick Woltemade, William Osula (dy herë), ndërsa për mysafirët shënoi Valentin Castellanos, i cili realizoi një nga golat më të bukur të sezonit në minutën e 69-të. Me këtë rezultat, West Ham mbetet në vendin e 18-të me 36 pikë dhe shpreson në rezultate negative të Tottenhamit dhe fitoren e vet ndaj Leedsit në xhiron e fundit për të siguruar mbijetesën. Newcastle, nga ana tjetër, renditet në vendin e 11-të me 49 pikë dhe do të luajë në udhëtim ndaj Fulhamit në ndeshjen e fundit të sezonit.