Sot zhvillohen pesë ndeshjet e xhiros së 33-të në Superligën e Kosovës, që pritet të jenë vendimtare për fatet e skuadrave në garë. Kampionia e re, Drita, udhëton drejt Klinës për të përballuar Dukagjinin, i cili kërkon pikët për mbijetesë. Gjilani pret Llapin në një sfidë ku ende nuk ka qetësi, ndërsa Prishtina do të luajë para tifozëve kundër Ferizajt, me vendasit që synojnë rikthimin te fitorja dhe mysafirët që nuk kanë hapësirë për gabime. Ballkani do të presë Prishtinën e Re, e cila tashmë është rënë nga Superliga, ndërsa Malisheva dhe Drenica do të luftojnë për pikë të rëndësishme në kuadër të objektivave të tyre. Të gjitha ndeshjet fillojnë në orën 16:00.