Lamine Yamal, talenti i Barcelonës, është shpallur futbollisti i muajit prill në La Liga, duke mposhtur sulmuesin kosovar Vedat Muriqi. Ky vendim ka shkaktuar debate, pasi Yamal shënoi vetëm dy gola gjatë muajit, ndërsa Muriqi realizoi tre gola, përfshirë një gol vendimtar ndaj Real Madridit që i siguroi fitoren Mallorcas. Në garë për këtë çmim ishin edhe Carlos Soler, Lucas Boye dhe Federico Vinas, por në fund çmimi iu dha Yamalit, i cili po vazhdon të tërheqë vëmendje në elitën e futbollit spanjoll. Reagimet e tifozëve kanë qenë të përziera, duke e cilësuar vendimin si të diskutueshëm për shkak të statistikave më të mira të Muriqit gjatë periudhës.