Lamine Yamal, sulmuesi i ri i Barcelonës, ka arritur një tjetër sukses të jashtëzakonshëm duke shënuar dy gola në fitoren 5-2 ndaj Rayo Vallecanos dhe duke kaluar shifrën e 50 golave zyrtarë me ekipin e parë të klubit katalanas në vetëm 19 vjeç. Ai u bë lojtari më i ri në historinë e Barcelonës që arrin këtë numër, duke lënë pas legjendat si Josep Escola dhe Lionel Messi. Yamal ka debutuar me ekipin e parë në moshën 15-vjeçare dhe që atëherë ka rritur ndjeshëm ndikimin e tij në repartin ofensiv të skuadrës. Përveç golave, ai është edhe lojtari më i ri që ka arritur 50 paraqitje zyrtare me Barcelonën, duke thyer rekordin e mëparshëm të Bojan Krkic dhe duke u shndërruar në një nga figurat kryesore të klubit.