Për shkak të rritjes së ndjeshme të çmimeve të transportit në SHBA gjatë Kupës së Botës, lojtarët e kombëtares gjermane kanë marrë një iniciativë për të ndihmuar tifozët e tyre. Ata do të paguajnë udhëtimin me autobus për 600 tifozë që do të shkojnë në ndeshjen e fundit të Grupit E kundër Ekuadorit, e cila do të zhvillohet më 25 qershor në “MetLife Stadium” në New Jersey. Kjo masë u mor për të lehtësuar barrën financiare të tifozëve, pasi çmimet e biletave të transportit publik janë rritur nga 12.90 dollarë në 98 dollarë për një rrugë vajtje-ardhje. Një kusht për përfitimin e këtij transporti falas është anëtarësimi në klubin e tifozëve gjermanë, dhe në rast se aplikantët janë më shumë se 600, përzgjedhja do të bëhet me short.