Sulmuesi i Interit, Ange-Yoan Bonny, ka përfunduar me sukses ndërrimin e kombësisë dhe do të përfaqësojë Bregun e Fildishtë në Kupën e Botës 2026. Bonny, 22 vjeç, kishte luajtur më parë për Francën në nivelet e reja, por konkurrenca e fortë në sulmin e “Les Bleus” e shtyu të ndryshojë kombëtaren. FIFA miratoi kërkesën e tij për ndërrim kombësie, ndërsa ai pritet të jetë një nga lojtarët kryesorë të skuadrës së Bregut të Fildishtë në turne. Bregu i Fildishtë do të garojë në Grupin E së bashku me Gjermaninë, Ekuadorin dhe Kuraçaon, ndërsa Bonny mund të debutojë në një ndeshje miqësore kundër Francës më 4 qershor.