Baton Zabërgja ishte protagonist në fitoren 3:0 të Metalist Kharkiv ndaj Zorya Luhansk në xhiron e katërt të elitës së futbollit ukrainas. Sulmuesi kosovar realizoi dy gola, të parin në minutën e 54-t dhe të dytin në të 65-tën, duke ndihmuar skuadrën e tij të marrë një fitore të rëndësishme. Ai u aktivizua deri në minutën e 76-të, ndërsa bashkëlojtari i tij, Ermir Rashica, u inkuadrua në lojë në minutën e 62-të. Këto ishin golat e parë të Zabërgjës në edicionin e ri të kampionatit ukrainas, ndërsa ai ka edhe një gol dhe dy asistime në Kupën e Ukrainës.