Sot në Ludwigsburg të Shtutgartit mbahet Kuvendi Zgjedhor i Federatës së Futbollit Shqiptar në Gjermani (FFSHGJ), ku 93 delegatë nga klubet shqiptare në Gjermani do të zgjedhin kryetarin e ri të federatës. Në këtë ngjarje të rëndësishme do të jenë të pranishëm figura kyçe të futbollit shqiptar si presidenti i FFK-së, Agim Ademi, dhe përfaqësues të komuniteteve shqiptare në diasporë. Pas 24 vjetësh drejtimi nga Ruzhdi Statovci, i cili ka dhënë një kontribut të jashtëzakonshëm, po hapet rruga për një brez të ri udhëheqësish që do të vazhdojnë misionin sportiv dhe atdhetar të federatës. Në garë për kryetar janë tre kandidatë: Afrim Osmanaj, Arben Kelmendi dhe Bujar Neziri, ndërsa në rend dite janë edhe miratimi i raporteve të punës dhe financiare të katër viteve të fundit.